الشيخ أمين الديب شاعر زاجل وصل إلى قلوب الناس فى وقت سريع وفى خلال سنوات قليلة حتى إنهم قالوا عنه أنه شاعر يعزف على أوتار الهم الوطني والوجع القومي بشكل بسيط واستطاع أن يبسط القضايا الكبرى لتصل الى الناس وقد تم اعتقاله فى منتصف عام 2005 في أعقاب المناداه بالإصلاح السياسي في مصر ، ولكن هذا الرجل لا نعرف عنه الكثير ولا نعرف كيف نشاء وأبن تعلم هذه الموهبة ، فكان بوم الاحتفال بيوم الفلاح الذي أقامته نواب الأخوان بالدقهلية بقاعة نقابة الأطباء فرصة عظمية لنتلقى بهذا الرجل لنتعرف عليه من قرب وكان هذا الحوار
قول يا عم الشيخ أمين
التعريف بالشيخ أمين الديب ؟
محمد عبد الحسيب الديب وشهرتي أمين الديب من بلد نكلا إمبابة الجيزة 5 ابريل 1937 دراستي ابتدائية قديمة وسنتين في ثانوي سنة 1951 وأول مرة أحس بالوطن والوطنية وانه لازم نكون كلنا في مواجهة الاستعمار في المرحلة الثانوية وكانت بداية طيبة للشباب انه يمارس حريته وانه يمارس المقاومة بشكل طبيعي وبدون أي قيود مش زى النهارده طبعا المدارس والجامعات عليها قيود وحرس علما بان مفيش استعمار ولا أي حاجة النهارده المفروض إن تكون حريتنا أكثر كنا الأول حالتنا أفضل كنا نعمل مظاهرات ضد الملك وضد الاستعمار وضد رئيس الوزراء كان معظم الشباب في الوقت ده وفدين وكنا بنقول " لا استعمار بعد اليوم ولا إنجليز بين القوم " ولما الملك جاب وزارة عبد الهادي ورفض وزارة الوفد كنا نعمل مظاهرات ونقول "عبد الهادي كلب الوادي والنحاس زعيم الأمة" وكنا بنقول الكلام ده في الشارع وكنا بنشتم أمام قصر عابدين وكان فيه حريات جامدة صحيح كانوا بيوجهونا بحاجات اسمها بلوكات نظام الأقاليم زى الأمن المركزي الوقتي بس مجموعة عساكر معها خرزان ولابس طاسه حديد على دماغه ومعاه حته حديد يسميها درع تشيل الطوب وخلاص وما كنوش يتعملوا وحش مع الناس وكان فيه حرية …
** يعنى عاوز تقول ان الحرية كانت أكثر من الوقتى رغم وجود الانجليز ؟
ايوه وكان كله بشترك فى مقاومة المحتل ومقاومة الفساد ومقاومة فساد الملك بالذات بأى شكل من الأشكال
** متى ظهرت الموهبة عند الشيخ أمين ؟
في فترة 50 و51و52 دي ولكن أول قصيدة حسيت فيها أنى شاعر وقالوا لي أنى شاعر جيد لان كتابتى قبل كده كانت كتابات اى حاجة كده ولو انى كنت فاكر أنها كانت كويسة وكنت فاكر إن الشهرة اللي وأخذها بيرم التونسي دي وأخذها حظ وميتسحقهاش زى وكانت كتابتي مش حاجة أول قصيدة كانت سنة 54 وكانت عبارة عن ملحمة ….
** أشعار الشيخ أمين بسيطة جدا ولكنها قوية ومبدعة ازاى الشيخ أمين نمى هذه الموهبة علشان نعمم التجربة للشباب ؟
والله أنا ما نمتهاش غير أنى باختلاطي مع الناس أكتر وحبي للناس ومعاملاتى مع الناس خلانى ابحث فى العادات بتاعتنا والتقاليد بتاعتنا القديمة اتغيرت ازاى واتحرفت ازاى وبتتغير من سنة لسنة ومن شكل لشكل وحاجات كتير بتثير اهتمامى والمثل الشعبى كان بيثر اهتمامى والحدوتة اللى كانت بتقولها لى والدتى والحواديت اللى كنا بنقولها لبعض نمت عندى المعرفة بالمجتمع وحاجة المجتمع واللى عاوزه ايه المجتمع وما يعانى منه المجتمع آلامه وأحلامه وكل حاجة هى دى مقرأتهاش من كتب و مختهاش من كتبنا ختها من الناس نفسهم ومن المثل الشعبي ومن الحدوتة الشعبية ومن العادات والتقاليد وكنت بنظر للعادات والتقاليد بشكل مختلف خالص يعنى مثلاً فى يوم الحنة حنة العريس كنت تلاقى الراجل الحلاق يجى يقول شوبش علشان كل واحد بينقطه بتعريفة كانت الحكاية دى موجودة وكان الحلاق يتعامل مع أهالي القرية بالمحاصيل سواء كانت قمح ولا ذرة ولا بصل يروح الحلاق والنجار كانت دى وسيلة التعامل كنت ببحث ليه هم بتعملوا كده وليه الحلاق فى الحنة بالذات بياخذ فلوس لان هى دى مهنته فكانوا بتعاونوا معاه لانه ما بأخذتش فلوس فى صنعته فكانوا بضمنوا له أكله وكان ده نوع من التكافل بين المزارعين والحرفين فكان اهل البلد اللى بتخدمهم يضمنوا يكفلوه فى المناسبات
** الشعر بالنسبة لك كان موهبة واكتساب؟ أم تعلم ؟
لأ متعلمتوش انا معرفش حاجة عن العروض الوقتى ولوحد قال لى دى على تفعيلة ايه معرفهاش
** الزجل أو الشعر باللهجة العامية سلاح قاتل للغة العربية ما رأيك فى الكلام ده ؟
لأ ده غلط دي بالعكس أنا بتكلم لغة عربية كلامي مش انجليزى وانا لما بكتبها بكتبها لغة عربية ولكن نطقها حسب اللهجة سواء عامية أو صعيدية لكن أساسها لغة عربية ولهجة عامية ولكن لا تساعد على ضباع اللغة العربية
** طيب العلماء بينادوا إننا لازم نتكلم اللغة العربية الفصحى ؟ هل حضرتك متضارب مع الناس دى ولا ايه ؟
لأ أنا مش متضارب معهم ويا ريت نتكلم العربية الفصحى لان مش ممكن نتكلم العربية الفصحى وكان كل الناس بتتكلم العربية الفصحى لكن الناس استسهلوه في بعض حاجات وتعطى نفس المعنى و مشتقة من اللغة العربية مثل ( ادينى كوباية الشاى ) والفصحى ( اعطنى كوباً من الشاى ) نفس المعنى .
** افهم من كده انك اخترت الشعر بالعامية عشان تكون قريب من قلوب الناس ؟
ايوه طبعاً أنا ابتدت من سنة 2000 أحس إن علىّ واجب بالذات من بعد الانتفاضة التانية بإنى كشاعر عامية واثبت وجودي كشاعر عامية وعضو اتحاد كتاب مصر وعضو جمعية الأدباء وعضو اللجنة الشعبية لمقاومة المشروع الصهبونى الأمريكى وعضو رابطة الزجالين ………… حسيت انى لابد ان الناس تفهم أيه قضيتها يعنى لابد من التوعية ولابد من نشر ثقافة المقاومة لان احنا ماشين فى ثقافة اسمها ثقافة السلام يعنى بيطالبوا بنشر ثقافة السلام و أمريكا بتركز على الكلام ده بالذات علشان تموت روح المقاومة عند الناس ويقولوا الغوا الحاجات اللى هي الآيات القرآنية إلى بتحث على ان احنا نحارب إسرائيل وان مفيش سلام دى الغوها من المناهج ابتدينا إن إحنا علشان ننشر ثقافة السلام بق
المزيد
ـــــــــــــــــــــــــــــــــــــــــــــــــــــــــ
